數學心得

數學 --- 能令整體名次起死回生的一科, 曾在 BK 討論區張貼過, 現放在日誌內分享補習老師教學方法:

~ 數學補充練習主力有以下二本 :

阿囡第一次出風癩

大家既寶貝有沒有出風癩的經驗?

 

昨晚阿囡臨瞓前話比蚊咬, 好痕癢...我只叫佢塗點膏便瞓覺. 凌晨 3:40 左右高呼阿媽, 以為她發惡夢 ... 她說全身痕癢, 好可怕呀! 我一看便知道係老公的家族遺傳-風癩, 不過都係第一次親眼看見那麼多, 整個背瘠及pat pat
位腫起多塊大如拳頭的風癩, 外表都幾可怕! 叫醒老公問佢意見, 睇吓要唔要去醫院睇急症 ? 他望完笑笑口話: 女麻女麻同爸爸既風癩傳咗比妳? 然後又入房倒頭大睡~.~

 

我立即上網搵料同打電話去加拿大問家姐, 了解什麼是風癩及嚴重性,
她說會自然散去, 可以不用看醫生, 我安心不少 !! 上星期日晚回家, 落車後有2隻狗衝埋去阿囡到, 她嚇到心都甩, 回家後即嘔... 昨晚食完飯, 途經天橋底有架電單車突然閃出, 她又被嚇親, 回家已頻說身痕, 究竟嘔吐和風癩能否與嚇親扯上關係?

 

中午同教友傾開, 有位姊妹非常有心得地同我講, 下次可以用片糖水沫身止痕癢, 她還發現每日既潮汐均是風癩痕癢的高峰期, 於是上網翻查今日的潮汐時間: 凌晨 03:48 漲潮, 好準喎 !!

 

今日去了藥房買了治敏感藥, 希望今晚風癩從此遠離阿囡....

Band 2 生奮鬥史完結篇之選校心路歷程_7

7月6號學校舉行畢業典禮，一家人出席學校聚會已是4-5年前既事，爸爸還在學校留倩影。當晚座無虛席，非常熱鬧，阿囡除了上台取畢業證書，還有 “服務獎”，畢業典禮後囡囡到處與同學及老師，校長拍照留念，我充當攝影師，順便向各老師道謝。

 

班主任 ─ Ms
Tsang，與她較為多email接觸，有時會 email 升中資料給她參考，不過沒有想過她的見面開場對白係： 點解妳可以瘦咗咁多？我回應因為返工會瘦，哈哈！除此亦多謝她為我宣傳，考時事常識題時叫同學去我網站參考。

 

訓導主任 ─ 林主任：讚阿囡好乖 ^^

 

四年級及六年級英文科老師 ─ Ms Wong 的行善說話：讚阿囡英文有好大進步。 她笑言期望阿囡將來能成為首位女特首！！！

 

五年級第三組中文科老師 ─ 黃老師：話阿囡由不太出聲，及後見她笑容多咗。黃老師囝囝三年級插入APS，由怕羞仔直至去年升中一後自信心大增，當晚不斷鼓勵阿囡。

 

六年級教科學老師  ─ 鄭Sir，考試前教利用圖像樹枝記憶法，見到阿囡張圖話好靚！還即時用手機拍下，話用來做 SAMPLE。

當晚鄭 Sir 讚阿囡畫畫好靚，將來會從事藝術工作。

**一位充滿活力，愛心及熱誠的好老師，除了與學生合照，還會幫手與學生及家人合照，又用自己部相機影一張留念，於翌日謝師宴到處派相片。

關校長：讚阿囡後繼走勢相當凌厲！（以前見家長派成績表後，我多次同阿囡講美麗的謊言 － 話校長鼓勵妳，只要比心機，努力，必有所成！）當晚的對話，可說配合得天衣無縫，哈哈！！

 

對家長來說，明白老師、校長所講的是客套說話。但對小孩來說，卻是一番莫大的鼓勵說話，她們會銘記在心中！

 

7月7號學校在沙田馬會舉行謝師宴，以自助餐形式進行，各人太過盡興，沒有時間拍大合照，有點遺憾！！

 

學校是否刻意安排在派位前數天舉行畢業典禮及謝師宴？好讓各人舒緩緊張的情緒？　

 

7月9號晚，我捉著囡囡雙手，與她一起為翌日的派位祈禱。她問：已經無法改變的事情還需要祈禱嗎？誰說上帝不能將事實改變？若果無法改變，祂便不是上帝。。。我們安然地一起祈禱！

 

7月10號早上，可能已經有足夠心理準備，反而沒有太大緊張，尚算冷靜。大家分班在禮堂集合，學生與家長分開坐，校長先來一番令人震奮的開場白：自行派入有87% , 派位頭三志願有93% ...好強勁呀！之後她說什麼？已忘記了…

 

班主任派發派位證，阿囡回頭笑住用口型講：旅港。Yeah！即時去與班主任打個招呼，她恭喜我們，並說旅港係好學校。我多口問：還要去叩迦密嗎? 班主任叫我唔好玩啦 :p！她問我旅港不是心儀嗎？我說心儀迦密，阿囡心儀旅港，不過唔去叩門喇，只是講笑而已！

 

之後與校長打招呼和道謝，她亦好開心， 叫阿囡比心機，阿囡點哂頭答應（唔知佢還記得嗎？有日誌為証架！）8:45 am 已回到家中先放低文件，然後等老友記消息再會合去飲茶。

 

發生在我們的一切都看似非常順利，但我真的知道誰掌管明天，我們可以做的是準備，然後交托，好固然開心，唔好的亦會相信祂有更好的安排！

 

在此再次衷心多謝各人的代禱 +
上帝的憐憫, 『謀事在人, 成事在天 !』哈利路亞 !

　　　　　　　　　　　　　　　　　－－　完　－－ 

Band 2 生奮鬥史完結篇之選校心路歷程_6

畢業試=第三學段, 在六月份進行, 與第三次呈分試=第二學段相距有三個多月之久, 當中有一半同學已選擇直資, 心態開始有點放暑假. 仍等候升中派位的, 繼續作最後衝刺, 爭取亮麗的成績表去叩門.

囡囡在考試前一個月已開始閉關溫習, 亦為自己為父母有個完美的句號而有所交代. 從各前輩經驗得知, 畢業試題目會比考試容易D, 因為學校希望各同學都有亮麗的成績表. 據阿囡回報, 數學科好難呀! 結果不出她所料, 數學科真的被打落十八層地獄的感覺 ~ 60分, 稍為安慰係其餘各科都比第三次呈分試高或持平, G.E. 更創出小學階段的新高~ 40.5/45.

**除數學科一直有補習外, 其餘都靠自己, 有此成績我已滿意. 不過叩門信心不抱希望.

等待派位相信最折騰家長, 精神壓力真的好大...... 阿女
3 Q ( IQ/EQ/AQ) 都比我高, 從 6/28 對話得知:

我: 就快到 7/10 升中派位, 緊張嗎?

囡: 點解要緊張?

我: 如果派唔到心儀, 叩門又唔收 ...

囡: 無問題架，都會照讀派到個間架, 然後考第一, 翌年再轉校囉.

我: 吓...咁容易考第一? 不過我都無諗過妳會咁諗架喎...

囡: 咁考第尾囉 :p ... 

我: 入唔到心儀學校, 會影響心情嗎?

囡: 完全無影響 

......



看來她思想比我想像中成熟, 我亦不用再擔心她派位唔滿意既情緒. 當日決定隨遇而安! 心中亦已做好對策, 派到第三志願或以後便叩門, 得就得, 唔得就算, 因為能入 Band 1 學校已足願, 加上叩門不是一件容易的事, 時刻提醒自己, 進可攻, 退可守! 千萬不要鑽牛角尖, 真的知而難行呀, 我會搵老友記傾訴, 互相鼓勵/勸勉/開解……

大部份中學網頁上, 都有叩門表格及注意事項,  當6/29派了成績表，馬上填寫叩門申請表，依次為迦密、旅港、丘佐榮及黃笏南。必須要睇清楚填寫方法,
eg:

 

迦密：

表格只有一張紙，齋要學術成績，小五及小六下學期成績（即第三學段）之中文讀本（卷一、卷二）、英文G.E.
、數學、班名次、級名次和操行。什麼運動、音樂。。。統統無需填寫。

如果填中文及英文總分，整體分數不算高，加上今次數學暴跌。。。而家有機會可能爭取到入場卷去考叩門筆試，囡囡分數如下：

 

	P.5	P.6
中文讀本	93.0	81.0
英文G.E.	78.9	90.0
數學	83.1	69.6
操行	B+	B+

 

旅港：

表格只有一張紙，因為旅港只接受自行時有揀過,
不用考叩門筆試, 學校睇番自行資料來決定是否取錄.

 

丘佐榮：

表格有二張紙，不用填寫成績表，反而要填：音樂、運動員及合唱成員。叩門位只有數個額，不是要成績最好的嗎？囡囡可算是百無，反而沒有信心爭取到入場卷。

 

黃笏南：

表格只有一張紙，主力填學術成績，小五下學期（即第三學段）及小六中期試（即第二學段）之中文、英文、數學、常識、操行及名次，以每科總平均分計算。另提供課外活動或校外公開比賽成績副本。人人均可考叩門筆試 (讚)。

 

如有機會考叩門試，迦密將於11-7-2012
(星期三)，上午
8 時
30 分至正午
12 時考中、英、數筆試 。

丘佐榮沒有顯示考試資料，隨時撞期。

黃笏南將於11-7-2012
(星期三)，下午 2 時至下午5
時出席能力評估試，我估都係考中、英、數筆試 。

**叩門亦同樣附上一份簡而精既 Portfolio.

Band 2 生奮鬥史完結篇之選校心路歷程_5

第三次呈分試, 最感受到壓力, 但絕不能讓阿囡知道, 否則後果不堪設想. 我只係輕描淡寫地叮囑阿囡, 分數只要持平前兩次考試, 不要有太大失準便成功. 一日未出排名, 都擔心阿囡會跌出 Band 1 範圍.
為了釋除憂慮, 3 月 20 幾號左右, 係七年來第一次打電話找校長, 希望校長能預估囡囡的名次, 雖然知道有部份同學仍要參加校際音樂節, 名次會略有影響, 我提議用最差的先作預估, 校長告知8x 名, 誤差約數個名次 ( 最終係 7x 名 ), 因此已肯定囡囡在
Band 1 範圍內. Yeah !! 高呼 『哈利路亞』, 上帝『萬歲』!! 囡囡『萬歲』!! 校長建議甲部誇區選校, 但是不符合我定下的選校原則第五點......

馬上找親子網站軍師定下統一派位選校次序, 然後再找班主任商量, 以確保沒有出錯. 唯一令我擔心, 便是囡囡的英文能力能否應付英文中學, 班主任說我已經係升中選校專家, 認同我的選校次序. 至於英文能力, APS 的畢業生程度略高其他學校,
可以食老本一年, 叫我放心.

將選校次序同阿囡講, 問佢有無異議? 她提出一個請求, 問甲一可否揀旅港(12個位), 甲二迦密(9個位), 乙一才順我意思揀迦密(84個位), 乙二旅港(94個位), 乙三以後由我決定, 因為她心儀旅港多過迦密, 她覺得旅港學生活潑D. 我答應她, 還說抽中甲部, 如同中六合彩, 若果真係抽中, 不得不說天意, 我又豈會逆天而行呢! 乙三之後選校次序: 丘佐榮、黃笏南、銀禧、6至10都係揀他區, 其實已經係亂填, 沒有再詳細分析次序.

據軍師用數據分析, 九龍城 Band 1 學額足夠派給
Band 1 生, 而九龍城區 Band 1 學校只有
10 間, 他區 (撥入九龍城區) 同樣只有 10 間, 未能填滿 30 個格仔, 保險起計, 填 2 間 Band 2A 學校
( 九真及培道 ), 放在 21 及 22序號上, 應該十拿九穩吧 !