P.5 家長日

晚上回校出席一年一度的家長會, 出發時下著滂沱大雨, 幸好穿上快乾的運動褲 J. 今晚除了出席家長會, 還雖要提早回校完成二件任務 : 1/ 上 5C 班拍攝去年同學們所做的常識科 Project – 中國地勢模型; 2/ 因囡囡忘記帶食具和水樽回家, 幫她從櫃桶取回, 誰不知班主任還親手送回囡囡遺留的筆袋一大個 L ( 囡囡從未試過遺留物品在學校, 唔通因為好忙 ……. )

** 有趣的事 : 6:50 pm 到達 5C 班房, 班房內只有班主任和一位家長, 拍照完返回 5A班房, 場面已非常熱鬧 ( 大部份都是商量點做常識科 Project ).

過往的家長會到夠鐘都未走得, 一來老師講解詳盡而過時, 二來太多家長舉手問問題, 今次卻出奇地早了 20 分鐘便講完, 因為一班有 4 組學生, 所以全程只需要由班主任講解.

** 有趣的事 : 副校長在 8:30 pm 開咪宣佈, 揸車而沒有入咪錶的車主需要盡快將車駛離現場, 因為警察叔叔收到投訴, 太多違例泊車的車輛在學校附近 ……

相信最大改變便是數學科測驗由 6 次改為 4 次, 記起一年級家長會時, 當家長聽到每個學期有 6-7 次測驗時, 都嘩聲四起, 咁多架 …… 但今年知道只有 4 次, 又反而覺得 6 次較好 …..

其實各家長都想知道分 4 組的分別, 而第 4 組有沒有機會升上第 1 或 2 組, 我問班主住有沒有做統計, 可以升上第 1或 2 組有幾多人, 她說沒有做統計, 但舉了一個例子, 曾經有一位五年級學生, 數學是第 4 組的, 六年級時升了上第 1 組, 我們聽見後希望大了, 但是 …… 班主任卻補充說此學生在五年級留班的 …… 呢個例子看似不是一個好例子, 但若果從正面方面想 …… 留一年可以如此大躍進,  P.5 留一年又無妨喎 :p .

聽囡囡講, 第四組除了小班教學外, 在教學上, 老師會非常詳細地講解, 吸收方面較往年為好, 看見她已抄下大量筆記, 不得不贊 :『字體端正, 紀錄詳盡』!

 

 

Kseniya Simonova - Sand Animation

烏克蘭24歲女藝術家西蒙諾娃在選秀節目上，利用沙畫描繪二次世界大戰時，德國入侵烏克蘭，造成家庭分離的悲劇故事，動人流暢的演出，讓她抱回12萬美金的大獎，一夕爆紅。在音樂的伴奏下，沙畫藝術家西蒙諾娃，用靈巧的雙手，畫出一對正在欣賞星空的夫婦，不過寧靜甜蜜的氣氛，卻在德軍戰機出現後，完全變調，女子的臉由幸福轉為哭泣，西蒙諾娃一抹、一畫間，二次大戰的人倫悲劇，在沙盤上栩栩如生展開，觀眾與評審跟著西蒙諾娃手指的節奏，進入劇情，並且感動地頻頻拭淚。

 

                

極需要你們的代禱 !

陪著你走：一段與阿蚊一生最痛苦的經歷。

http://hk.myblog.yahoo.com/carmen-anthony/article?mid=1&suc=1

『升中大作戰』

自從囡囡升上 P.5 後, 開始留意升中的討論區及搜集相關資料, 亦會時刻打探囡囡想入讀中學的類型, 她喜歡男/女校、 喜歡有多元化課外活動的學校、而我們想她入讀優質的津校或學費較便宜的直資學校, 以囡囡目前的成績, 距離目標仍然好遠, 不過, 世事無絕對 …… J

從 BK 討論區, 找到一個很好的網站, 『升中大作戰』http://tkk88.setupmytest.com/index2.asp 與大家分享.

P.5 的學校生活

P.5 的學校生活已過了二個星期, 一切已適應及安頓下來, 開學前與囡囡 *約法三章 : 1/ 每天認真 ( 不能 HEA ) 溫書最少 30 分鐘 ; 2/ 每天練習長笛最少 30 分鐘. 囡囡問點解得二章, 哈哈 ! 原來她不明白約法三章何解, 我回答因為她各樣都做得好, 所以暫時只需要實行二章, 而過去二個星期, 她已做到 80%, 希望她能持之以恆.

功課明顯比 P.4 時多了, 以前放學回家後的遊閒生活暫時未曾見到, 每天太約用二小時做功課, 而她會將下週才要交的功課盡量提前完成, 以前是到期才做的.學校由下學期起, 逢星期一、三、四實施延長上課時間, 而英文在十一月份每個星期四已開始延長上課, 所以今年課外活動亦減少了, 不過仍然與往年一樣, 天天都在學校裡生活. 囡囡今年做了風紀, 每天第一個小息和午膳時間需要到 4A 班當席, 餘下的小息她會往圖書館繼續做她喜愛的圖書館領袖生, 而課外活動如下 :

u  星期二 : 去『數研』補數 ;

u  星期五 : 放學後留校返團契, 而就讀中大二年級的芷欣表姐盡量抽空安排來我家補英文及中文, 希望囡囡今年的成績會有明顯進步 ;

u  星期六 : 上午十點回校上私人樂器班, 之後返初管, 一點至二點往教會地庫一邊睇圖書, 一邊享受我為她預備的三文治午餐, 二點至四點返回禮堂上羽毛球訓練班.

u  星期日 : 返宣小 Awana Club

囡囡仍然愛看中文圖書, 逢星期四流動圖書車都會停泊在屋苑內, 她每次差不多都借 12 本圖書, 過往多看漫畫及小說, 因為圖書車沒有足夠此類書可借閱, 近期她開始會看益智書籍 : 數量關係 ( 圖表、百分比、代數、比例 ) ; 豆豆看貧窮 ( 樂施會 + 豆豆合力製作 ) ; 活學二十四考 ; 中國民間故事 ; 漫畫福音耶穌的比喻 …… 期望有一天看見她看英文圖書 J.

*約法三章解釋 http://www.chiculture.net/0610/html/0610idiom/0610idiom_c.php?category_flag=h&content_flag=17

2008~09 年度 Awana 結業禮

因為 H1N1 的原故, 教會的Awana Club 2008~09 年度結業禮由 6 月份一直延期至今天才舉行, 與各隊員暫別了二個多月, 見面時大家都非常雀躍 J

Awana Club 分火花組和 T&T 組, 火花組是 K2~P.2 學生, 合共 84 人, 而 T&T 組是 P.3~P.6 學生, 合共 56 人.

囡囡很喜歡 Awana 的教會生活, 她每次都很投入地參予, 在這裡她得到很大的滿足感, 今天她從宣小關校長手上接了一個  **『卓越獎』, 在宣小沒有機會能與關校長合照, 今天竟然能夠在另一個場合上 …… 相信她真的很開心.

**『卓越獎』~ 在二年內完成了二本手冊, T&T 組內只有 4 人得此獎項, 而完成三本手冊的只有 1 人.

升中秘笈

http://forum.edu-kingdom.com/viewthread.php?tid=2141081&extra=page%3D1&page=2

有一位khmama家長將升中 既流程同累積既經驗分享在親子網站內, 真的感激她的無私奉獻, 為勉身邊好友錯過閱讀秘笈, 現抄錄如下 :

升中秘笈 #1

呈分試
1. 呈分試共有三次，分別是五年級期終試及六年級頭兩次考試。

2. 主要計算中、英、數、常、視藝、音樂平均分，比重分別是9、9、9、6、3、2 (部分學校會計算宗教同普通話，比重分別係2同1)
例: 中95分 英88分 數90分 常96分 視藝80分 音樂86分
      平均分=(95x9+88x9+90x9+96x6+80x3+86x2)/(9+9+9+6+3+2)=90.66分

3. 平均分會用作排列級名次之用，所以無論分數高低，級名次最重要。

4. 如果不幸無法應考，可以呈報教育局(經學校申請，最好先同學校及教育局了解詳情)，到時只會計算兩次呈分試分數，總比勉強應試而拉低成績好。

5. 呈分試會決定派位組別，所以要俾心機考。好多家長小五時會摧谷子女，如果一不小心，級名次就會大倒退。眾多科目之中，語文較難取分，反而數學 科只要理解做法，多做練習就容易取得高分。

升中秘笈 #2

派位組別 (BAND)
1. 根據學校地區，全港共分十八個校網。

2. 派位組別有三個: BAND1, BAND2, BAND3。

3. 每個小學 生都會有一個區內派位組別及一個全港性派位組別，區內派位組別用於乙部大抽獎而全港性派位組別則用於甲部大抽獎。

4. 派位組別根據下面方法產生:
- 小學 調整基數:上兩年小六生考中一入學前香港學科測驗(即分班試)之平均分數由高至低排列(2010年應用2007年及2008年分班試)
例:中一分班試平均分數排列(調整基數): 99, 97, 96, 95...
     呈分試全級第一之A同學獲得第一個調整基數 = 99分
     呈分試全級第二之B同學獲得第二個調整基數 = 97分
     呈分試全級第三之C同學獲得第三個調整基數 = 96分
     如此類推
- 假設A同學三次呈分試分別考第一、第二、第一，呈分試之總平均分 = (99 + 97 + 99) / 3 = 98.33分
- 假設B同學三次呈分試分別考第二、第一、第三，呈分試之總平均分 = (97 + 99 + 96) / 3 = 97.33分
- 區內派位組別: 將區內所有學生所得之呈分試總平均分排高低，首1/3人係BAND1，次1/3人係BAND2，最後1/3人係BAND3
- 全港性派位組別: 將全港所有學生所得之呈分試總平均分排高低，首1/3人係BAND1，次1/3人係BAND2，最後1/3人係BAND3

5. 有啲家長會選擇轉校網(跟居住地址)，考生之派位組別會根據所轉校網訂定。假如考生之呈分試總平均分係78分，在原來之校網屬BAND1尾，但轉去另一校網，考生要80分以上先係BAND1，結果78分便會變成BAND2生。所以由弱區(小學 生成績較差)轉去強區(小學 生成績較好)之BAND1尾考生(邊緣人)有機會跌BAND，轉區前要慎重考慮。

升中秘笈 #3

自行派位
1. 每間學校(唔參加派位之直資除外)都要撥出30%學額作為自行派位。如果某中學有5班中一，每班36人，就有36x5x30%=54個自行派位學額。

2. 學校十二月會派發自行派位申請表，家長決定好第一及第二選擇之學校，然後填寫一式三聯之表格，連同準備好之學生個人履歷(portfolio)於一月限期前交到心儀中學(記得將第一、二選擇之號碼撕走，無須呈交)

3. 自行派位並無地區限制，每個學生有兩個選擇，但學生填寫申請表時要決定邊間中學係第一選擇同第二選擇。

4. 學生個人履歷一般包括下面資料，中學通常有申請表於網上供下載填寫，學生只須提供有用之証書副本已足夠。
- 個人資料 (姓名、地址、電話、就讀小學 、父母資料、相片等等)
- 五年級及六年級成績表副本
- 學術成就 (校外及校內比賽獎項副本，如奧數、劍橋英文等)
- 非學術成就 (校外及校內比賽獎項副本，如朗誦、音樂、運動等)
- 服務 (如班長、圖書 館管理員、義工等)
- 其他 (好值得心儀中學參考之活動或獎項)
- 校長推薦信 (有啲中學話唔收，不過問學校寫定都冇壊處)

5. 選擇之証書要有代表性又能令學生突顯個人成就，切忌貪多，亦不必要做得美輪美奐，學校重視的是學生之質素，並非學生個人履歷之質素。

6. 自行派位只有大約30%考生能夠成功，選校除了要心儀，亦要視乎能力及競爭是否激烈。大多數學 校都唔會面試 所有申請考生，一般面試 會二、三月份進行，所以考生要提早準備，打聽面試 模式及題目，適當地操練。

7. 要選擇心儀學校，可以去《中學概覽》(http://chsc.edb.hkedcity.net/secondary/)瀏覽校網內之周年報告或其他資料。要自行成功，應參考《中學概覽》內學校自行派位要求。

8. 學校一般會參考頭兩次呈分試後教育局提供之考生全港次第，選擇成績排名較前之考生進行面試 。部分學校會著重選擇課外活動 有成就之考生，可以打聽清楚，提高成功機會。

9. 依家男女失衡，男生同女生之比例約4:6，而女生一般較男生早熟，所以BAND1頭之女生較男生多。如果考男校或女校，好處係冇異性，競爭冇咁大，但係有名之學校一樣多人爭。男女校自行派位時，有啲學校會刻意收較多男生，避免學校變成女校。

10. BAND2同BAND3學校所收學生質素較參差，校風可以分別好大，固家長應該於午飯及放學時間去心儀之學校觀察。留意學生衣著、儀表、談吐、禮貌、有冇食煙、有冇污言穢語、有冇拍拖、有冇男女生接放學、有冇警察經常巡邏甚至有警車長期停泊校門口。

11. 面試 完畢，每間學校都要交正選同副選名單俾教育局。如果考生自行兩間都成功，就會被派去第一選擇；如果只係一間成功，就會被派去那間中學，冇得參加大抽獎，但係由於自行派位同大抽獎一齊放榜，家長唔知自行成唔成功，所以仍然要參加大抽獎。假如學校唔夠正選(考生被第一選擇學校取錄為正選)，學校會跟副選名單先後填補，如果都唔夠填數，自行學位會撥去作統一派位。

12. 由於自行成功就冇得大抽獎，所以選擇學校時，要選一間起碼唔會自行成功但會後悔冇咗抽獎機會之學校。如果校網屬於好區，即係容易抽入英中之校網(如中西區、灣仔、油尖旺、九龍城、沙田)，BAND1生自行時不妨進取啲。

13. 假如小朋友要申請香港兒童身份証，家長要留意唔好隨便加英文名或更改姓名，如果同自行申請表有分別，會影響申請程序，如果真係好想加名，寧可遲啲先攞身份証。

14. 體藝係唔會計入兩間自行派位之選擇內，家長可以報讀，不過體藝係BAND1中學，亦會要求學生有一技之長。

15. 2010年開始語言微調方案，中中如果合資格可以開英文班，但係開幾多班就唔可以放上網，家長要自己打電話去學校查詢，所以家長未必一定要報英中，入BAND1中中之英文班都係其中一個選擇。

升中秘笈 #4

考直資
1. 直資分派位同唔派位兩類。派位直資英中通常係二線英中，因為靠學校名氣未必能夠收到好成績之BAND1生，所以希望抽獎可以收到好學生。

2. 直資係可以任考幾多間都得，唔會計入兩間自行派位之選擇內(派位直資要先問清楚)。

3. 一般直資會三、四月面試 ，十二月開始要留意有關校網查詢申請詳情。有啲直資會收特異功能人事(如音樂、運動等)，頂尖學生通常透過教練轉介，已經直入，無須面試 ；較次之學生除面試 外，更要考技能，先決定是否夠資格被取錄。

4. 大抽獎前，所有直資應該已經放榜。假如直資收了，家長決定讀直資，就要簽紙放棄大抽獎(注意:即使自行本來成功都會放棄，不過家長根本唔會知)，但放榜日都要返學校取派位証。

5. 有啲直資要求考生要報考過，先可以去叩門；有啲直資收了而考生放棄入讀，就唔接受叩門，所以考直資前要考慮埋會否入讀及學校對叩門之要求。

升中秘笈 #5

面試
1. 面試 一般都會穿校服，除非學校指明唔需要。

2. 事前準備好緊要，面試 模式同題目可以打聽下。如果係一組人面試 ，要考臨場反應，最好搶先作答，多加發揮。單獨面試 要有眼神接觸，表現自信，唔好有小動作，亦唔好俾人背書之感覺，要有禮貌，唔識就話唔識，唔好扮識，唔好問一句答一句。至於是否要報讀中一面試 班，就見仁見智，覺得要讀就報。

3. 為咗避免直資搶晒好學生，部分頂尖官津學校會以第二次面試 暗示取錄，皆因官津學校唔可以放榜前通知考生取錄與否。

升中秘笈 #6

大抽獎
1. 抽獎係根據學校所屬地區之校網，家長亦可申請轉回居住地區之校網(小心跌BAND)。每年有兩次機會申請，一次係十一、二月，另一次係三、四月。由於要有住址証明，有意轉網之家長要提早做功夫，依家啲單要兩個月先寄一次。

2. 學校四月下旬會派發統一派位表格同所屬校網之中學一覽表，家長有大約兩星期時間截止交表，但一般學校都會做模擬填表，所以實際得大約一星期時間俾家長考慮，時間非常緊迫。為避免選擇錯誤，家長最好及早參考上年之中學一覽表(http://www.edb.gov.hk/index.aspx?langno=2&nodeID=1568)，除學位數目會有些少差異外，可選擇之學校大致差不多，建議考完第三次呈分試，大概知道派位組別就要預先想好，唔好臨急先做。

3. 學校除咗30%學額用作自行派位，亦會扣起5%作留班位(假如冇咁多人留班，剩低啲位就會作為叩門位)。

4. 抽獎分甲部同乙部。一般學校會將餘下學額10%作甲部抽獎，90%作乙部抽獎。

5. 有一條龍中學之小學 就唔需要担心抽獎，因為無論BAND幾都要收晒。學生要決定是否上一條龍中學，如果放棄，以後都未必俾你叩門。

6. 至於有直屬/聯繫中學之小學 ，中學會保留部份學位專門俾直屬(最多85%學額)/聯繫(最多25%學額)小學 抽，外面之考生只可以抽非保留學位。有直屬/聯繫中學之考生一定要將直屬/聯繫中學放第一志願，先可以抽保留學位。

7. 甲部有3個選擇，不限地區，要上教育局網頁查詢《不受學校網限制選校手冊》。

8. 乙部有30個選擇，只限所選校網之學校，可參考《中學一覽表》。

9. 每個考生都會由電腦分配一個隨機編號用以抽獎，冇人會知個號碼。

10. 抽獎模式如下:
- 先抽甲部，BAND1生優先抽獎，處理完所有BAND1生，就輪到BAND2生，最後先輪到BAND3生
- 甲部BAND1、BAND2同BAND3都處理完，先至到乙部抽獎，方法同甲部一樣
- 抽獎時，會先由第一志願開始，跟住第二志願，如此類推。
- 假設甲學生第一志願選A學校，而另外有99人都係選A學校做第一志願，如果A學校得70個抽獎位，即是有30個人抽唔到。只要考生之隨機編號夠細，能擠身頭70位，便即時中獎，獲得第一志願。
- 如果A學生唔好彩，就要繼續試第二志願，直到有一個志願有位而隨機編號又爭贏對手為止。
- 同一個BAND之學生，無論頭、中定尾，機會都係均等，一律只睇隨機編號，運氣好的話，BAND1尾學生一樣可以入BAND1頭學校。
- 乙部抽獎會先處理保留學位，如果直屬/聯繫小學 之BAND1考生過多，抽唔中之考生可以繼續以第一志願同其他BAND1生爭直屬/聯繫中學之非保留學位，即係同一間中學有兩次機會俾直屬/聯繫小學 之考生抽。如果直屬/聯繫小學 之BAND1考生少過保留學位，餘下之保留學位會俾直屬/聯繫小學 之BAND2考生抽。

11. 所以派位組別對抽獎好重要，如果想抽到好學校，做BAND1生可以優先選擇，當然會好過BAND2同BAND3生。

12. 有啲考生區內同全港性派位組別會唔同。如區內係BAND1生但全港性係BAND2生，即顯示所屬校網學生質素較差，呢類學生只可以靠乙部抽獎抽區內BAND1學校，因為冇理由甲部去填BAND2學校，而BAND1學校又好難抽到。如區內係BAND2生但全港性係BAND1生，即顯示所屬校網學生質素較好，呢類學生要好好利用甲部，希望能抽入BAND1學校，所以選擇BAND1學校要保守，期望一擊即中。

13. 中學其實係冇BAND嘅，所謂BAND1學校只不過係學校所收之學生大部分係BAND1生。因此，較受學生歡迎之學校自然會成為BAND1學校，所以英中多數係BAND1(唔計直資)。

14. 抽獎填表亦要講策略:
- 要記住甲部抽完先到乙部，由於甲部位少又要全港一齊爭，一般只當買六合彩。不過都唔可以亂填，如果亂填一間唔係心水學校，萬一真係抽中就等於放棄乙部抽獎。所以如果好想抽乙部又冇其他心水選擇，甲部第一志願可以填番乙部之第一選擇，其餘留空，如想搏幾間同級數之學校亦可。
- 如果有直屬/聯繫中學，一心諗住讀又必入嘅，甲部第一志願應填直屬/聯繫中學，其餘兩個志願留空，乙部第一志願再填直屬/聯繫中學。
- 乙部30個志願要填滿，如果只填幾個又不幸派唔到，就要等所有BAND1、BAND2同BAND3生都抽完，先由電腦隨機派間有位之學校俾你，必然係BAND3尾之學校。
- 好學校自然多人爭，唔放第一志願根本冇機會抽到，所以切忌將所有好學校排前面，因為一抽唔到就會跌到好後。
- BAND1生唔使咁快填BAND2學校，因為一間學校如果BAND2生抽獎入到，BAND1生即使將間學校放第30志願，仍然會比BAND2生早抽入去，原因係BAND1生抽獎先過BAND2生。所以只要用幾間BAND2學校包底，前面將可以填之BAND1學校(包括本區及他區)填晒就係最好方法，當然頭幾個志願要視乎校網，要講策略，但BAND1生最差都只會派去BAND2頭中學。

15. 所有考生填表都必定要俾老師 過目，當然有啲老師 係真心想幫考生作最好之選擇，但有部份老師 只想考生能在首三志願派到學校，以擦靚學校之招牌(雖然醒目之家長選小學 時都唔會睇首三志願%)，唔理三七二十一，BAND1生都要你第二、三志願填間BAND2甚至BAND3學校。結果學校當然得其所哉，難為家長四處叩門。所以家長要上網多睇討論區，唔好盲目相信老師 之提議。

16. 派位組別會影響升中 策略同結果，一定要問清楚學校。

17. 如果小朋友天資不足，就要量力而為，選一間程度適合之中學就讀，BAND1尾學生勉強抽入BAND1頭學校都未必係好事，年年墊底會打擊小朋友之自信心，要三思。

升中秘笈 #7

放榜
1. 七月頭係放榜之大日子，無論你有冇報讀直資，自行成唔成功，呢日都要一早返小學 攞結果。

2. 其實學校放榜日之前已收到結果，有啲學校會早一晚打電話俾派得唔好之學生暗示作好叩門準備(其實學校係唔可以咁做)。

3. 無論學校會唔會暗示，家長都應該放榜前為叩門作好準備:
- 放榜前一星期，選定叩邊幾間，然後打電話查詢有冇得叩門，免得白走一趟。
- 有啲學校要求你自行同抽獎都選做第一志願，先有得申請，所以自行選校時可能要考慮呢一點。
- 有啲學校會要求主科全部A加埋操行要B或以上先可以攞申請表。所以六年級期終試都唔可以鬆懈，五、六年級要聽話啲，如果操行B-就好難叩門。
- 決定叩邊幾間後，要準備學生個人履歷同叩門信(部分學校網有叩門表格下載，無須叩門信)。帶備白信封、郵票、証件相、萬字夾、支票簿、身份証/出世紙副本等有用物品備用，派位証可能要影印。
- 要擬定路線，最好搵定人做司機，方便四處叩門。
- 有啲學校係即日通知筆試、面試 ，所以一日未必去到好多學校，但第一日係最緊要嘅，所以最想叩門之學校應去叩先。
- BAND1英中比較難叩門，家長亦可以叩BAND1中中，希望入到英文班。

4. 如果叩門尚未成功，家長記得一定要去派位中學先註冊，最多日後叩門成功再取回派位証。即使開咗學，學校仍然有機會通知學生被取錄，所以家長最好唔好咁快買晒書同做校服，買咗書都唔好咁快寫名。

5. 無論結果如何，家長都唔好俾小朋友覺得間學校唔好，應該隨遇而安，否則小朋友會唔鍾意間學校，冇心機讀書。如果真係想轉校，中二可以再報插班。

6. 個人認為讀書要靠小朋友自己努力，唔可以完全倚賴學校。依家啲名校都冇咩功課，好靠小朋友自發去學習，反而啲普通學校想做好成績，老師 仲更加有心機教小朋友。

7. 中一入學前香港學科測驗(即分班試)對師弟師妹升中 好重要，唔好咁自私，諗住自己已經過咗海就係神仙，就是但考咗就算。有啲學校上年同今年BAND1%相差超過10%，令啲BAND1生跌咗落BAND2都唔知，結果累到啲家長四圍撲學校，所以為人為己，要認真地考分班試。

想知詳細升中 資料，可瀏覽教育局網頁http://www.edb.gov.hk/index.aspx?nodeID=1565&langno=2

^^祝順利過關^^