2008年11月29日 星期六

懲罰

囡囡每天都會在學校將功課完成除非唔識做每個星期六,由上午九時至下午四點半都是外出參加課外活動晚上便會去公公婆婆家食晚飯星期日早上返教會下午會去下街晚上又會約爺爺食晚飯所以星期五的功課盡量要於當晚完成否則星期日數小時便要用來做功課


昨晚放學回家後同我講餘下一樣 Comprehension 未做問可唔可以睇半小時電視後才做我答應她,但要當晚完成不要留待今天做因為今天課外活動後 500~700與爸爸一起去參加香港大球場的佈道會難得的是爸爸願意參與基督教活動誰不知她睇完電視,去了上網做練習然後玩摺紙我問點解唔做功課佢話因為唔識做我話先收拾書包食完晚飯後便要做結果她發現原來總數是有 3 樣功課結果。。。


飯後拿著張 Comprehension 問我應該點做我問明白內文嗎唔明點解唔查字典佢話老師講過要經自己思考才可以回答內文是沒有答案的!我話未聽過不用看內文而懂得做的 Comprehension 我細看下內文是講述神創造了很多種類的動物,每種動物有不同的特徵和技能而問題是要回答每種動物的 Special features/abilities think of a reason why God has made them like this way。我話關於動物的 features/abilities內文不是已清楚提及嗎?原來她不明白features/abilities 點解於是罵戰由始而開始


:點解到四年級,仍未學會查字典?


:我叫妳教我,點解次次妳都唔教,妳解比我知 features/abilities什麼咪得囉?


:就係妳連 features/abilities 唔明都唔去查字典,如果妳一早去查,就唔會問咁愚蠢既問題,而家仲要比我鬧。


:妳快 D 講啦妳好煩呀。


:於是我解釋了features/abilities 意思,她終於發現要明白內文才會識答。但她依然固我,唔去查字典。我發出警告,一定要將唔明白的生字查字典及寫上解釋,而此功課一定要在今晚內完成,否則明天早上先取消第一樣畫畫課外活動,之後是游水和打羽毛球。


晚上十點爸爸回家食完晚飯她請教爸爸點做但爸爸同樣看見沒有寫上任何解釋,又向她訓話,她很不滿地上床睡覺覺得我地點解咁煩


她今早十點半才起床,已錯過了九點半畫畫班時間,她同我講想上游水堂,我話做完 Comprehension 可以去囉結果拖到十二點半才開始做但仍未有意識自己先查字典我於是苦口婆心同佢講:學英文同中文一樣係要不斷收集生字詞彙唔明白的生字係要靠自己去查字典然後儲在腦內,平時多看英文課外書的作用便是如此,但妳卻沒有看英文課外書,連學校Comprehension 的生字都唔用心去學、去記將來驚覺便會太遲喇。妳中文成績咁好,點解唔將呢個技巧運用在英文上呢?最後我陪她一起去查字典,但今天所有活動便需要取消作為懲罰(過去我會因為浪費一堂學費而放她一馬,但從今以後我會堅持到底),她懷著滿腔眼淚地。。。


結果,理解完內文後,咪又識回答所有問題。唉!已經將成本牛津字典裝入電腦內,都仲要咁鬼懶,激死!


** 食午飯時她同我講Ms Wong 話上帝創造我們 D 人係中文叻 D D 人係英文叻 D而佢係屬前者我話咁係咪要轉一間沒有英文科的學校而家連中國的學生英文程度都已超越香港點解做人唔係要衝破障礙而係要選擇逃避


她的笑容在傍晚看見了,因為去找 ChiChiPaPa 借書睇,她說就快考試,稍後才看,但話口未完,手持數本書入房睇。。。


 


2008年11月28日 星期五

五級樂理試 Part 1

又係五級樂理試囡囡從未如此困擾過早在二個星期前囡囡又問我點解要考五級樂理試 係咪一定要考一定要考長笛六級或以上嗎? 點解唔可以好似興趣班咁學? 點解隔離個同學可以唔使考?點解。。。。。。媽咪,我真係唔想考,因為好深,好難明呀,我無信心合格呀!。。。。。。


本來打算明年 10 月考長笛六級,便需要2 7五級樂理試合格,否則便需要順延。。。。。。 因為囡囡上堂表現好像從沒有學過,所以老師已安排每個星期上多一堂,上星期日,囡囡仍未將功課完成,所以此堂取消,老師打電話來查問缺課原因,順便了解囡囡的情況,終於在星期三,經商量後,決定將考試時間改為 6 月份,原本老師想 10 月份的,但我唔想長笛六級試太遲考,否則又會浪費時間與金錢。但老師要求囡囡一定要用心學,因為老師所教的學生全是一次過合格,唔想由囡囡破例。老師話今次是從頭學過,所以連我都會學識,如果到時我真係識,我都會報考,看看否仍然寶刀未老 ^0^


下星期同長笛阿 Sir 商量一下看看是否改為考 5 7級和8等囡囡 keep住年年有試考,等佢唔好疏懶


 


 


2008年11月25日 星期二

又再離別

加拿大的大家姐與姐夫在115號回港探望回流香港的女兒 Suki 及剛滿月的孫女Jasmine。大家姐較我年長 16 歲,她們在我 5歲時便開始拍拖,姐夫和大家姐在我中五那年 7 月份開設製衣廠,而我知道會考成績不會理想,所以未放榜便入了他們公司打工,一做便是 7 個年頭,因為他們要移民我才轉工,由細到大,我與姐夫和大家姐除了是親人的關係,他們還是我的師傅,亦師亦友。雖然移民多年,但大家時刻保持電話聯絡,每隔數年我又會飛去探望他們,今年因為 Suki 回流 + 生了 BB,所以便回港順便探親。雙方的父母都已經 78 – 92 歲,今日下午他們離開了,此次一別又不知何時才能見面,心情確實非常之唔捨得。


在這三個星期幾乎日日都見面,因此無時間寫日誌,今年暑期去加拿大時,囡囡留給他們的印象是情緒不穩定但今次他們卻改觀了,話阿囡好似長大了好多定性咗乖咗HEHE可能她擔心地位會被 Jasmine 佔據所以。。。


2008年11月3日 星期一

P.4上學期測驗成績

測驗分數今天已派,英文第一次見紅喇 G.E.  24/45 Comprehension  6.5/20G.W.  12/15Phonics  18/20Oral  7/10 Listening 10/10。點算,頭痕呀


各科總分如下:


         中文:81.7


         英文:58.4


         數學:73


         聖經:94